ՀՀ քաղաքացիներն առանց վիզայի կարող են այցելել 60 երկիր
Հայաստանը 2019 թվականի երրորդ եռամսյակում Henley & Partners ընկերության անձնագրերի ինդեքսում զբաղեցրել է 84-րդ տեղը. Հայաստանի քաղաքացիներն առանց վիզայի կարող են այելել 60 երկիր: Այս մասին նշված է ընկերության կայքում:
Առաջին տեղում են Ճապոնիան եւ Սինգապուրը, որոնց քաղաքացիներն առանց վիզայի կարող են այցելել 189 երկիր: Երկրորդ տեղում են Գերմանիան, Ֆինլանդիան, Հարավային Կորեան, որոնց քաղաքացիներն առանց վիզայի կարող են այցելել 187 երկիր, իսկ երրորդում՝ Դանիան, Իտալիան եւ Լյուքսեմբուրգն են՝ առանց վիզայի 186 երկիր մուտքի հնարավորությունով:
Հայաստանին հարեւան Վրաստանը 52-րդն է, այդ երկրի քաղաքացիները կարող են առանց վիզայի այցելել 113 երկիր:
