Հունիսի 28-ին, ժամը 13:33-ին «911» ծառայությանն ահազանգ է ստացվել, որ Գեղարքունիքի մարզի Գեղհովիտ գյուղում երեխան  ընկել է Մարտունի գետը. անհրաժեշտ է փրկարարների օգնությունը:

ԱԻՆ լրատվական ծառայության փոխանցմամբ, դեպքի վայր է մեկնել ԱԻՆ ՓԾ հրշեջ-փրկարարական ջոկատի օպերատիվ խումբը և  մեկ մարտական հաշվարկ:

Ժամը 14:15-ի սահմաններում Գետափնյա փողոցի տներից մեկի մոտակայքից տեղի ուժերով ջրից դուրս է բերվել Գեղհովիտ համայնքի բնակիչ Մ. Պ.-ն (2012 թ. ծնված), ով տեղափոխվել է Մարտունի քաղաքի ԲԿ, որտեղ գիտակցության չգալով՝ մահացել է։