![7-ամյա աղջիկն ընկել է Մարտունի գետն ու ջրահեղձ եղել. Shamshyan.com](https://auroranews.am/storage/img/base_image/old/761bf453cbaa39691f141197e81ad2f4.webp)
7-ամյա աղջիկն ընկել է Մարտունի գետն ու ջրահեղձ եղել. Shamshyan.com
![7-ամյա աղջիկն ընկել է Մարտունի գետն ու ջրահեղձ եղել. Shamshyan.com](https://auroranews.am/storage/img/base_image/old/761bf453cbaa39691f141197e81ad2f4.webp)
Այսօր ողբերգական դեպք է տեղի ունեցել Գեղարքունիքի մարզում։ Ժամը 14։00-ի սահմաններում Արտակարգ իրավիճակների նախարարության փրկարար ծառայության 9-11 օպերատիվ կառավարման կենտրոն ահազանգ է ստացվել, որ Գեղհովիտ գյուղում երեխան ընկել է գետը, և գետը քշել, տարել է, տեղեկացնում է Shamshyan.com–ը։
Մինչ դեպքի վայր կժամանեին Մարտունու փրկարարները, քաղաքացիները դեպքի վայրից մոտ 2 կմ հեռու, Մարտունի գետում հայտնաբերել են երեխայի դին։
Ոստիկանները և քննիչները պարզել են, որ ջրահեղձ եղած երեխան Գեղհովիտ գյուղի բնակիչ 7-ամյա Մ. Պ.-ն է։
Փաստի առթիվ քննիչ Ս․ Խաչատրյանի կողմից նյութեր են նախապատրաստվում։