![Թալանել են նախկին ԲՀԿ-ական պատգամավորին](https://auroranews.am/storage/img/base_image/old/7c98a74026782b6c6f3732b3bf4201bc.webp)
Թալանել են նախկին ԲՀԿ-ական պատգամավորին
![Թալանել են նախկին ԲՀԿ-ական պատգամավորին](https://auroranews.am/storage/img/base_image/old/7c98a74026782b6c6f3732b3bf4201bc.webp)
Ոստիկանության Մալաթիայի բաժնի հետաքննչական բաժանմունքում նյութեր են նախապատրաստվում հունիսի 24-ին ոստիկանության Մալաթիայի բաժին դիմած Երևան քաղաքի բնակիչ, 73-ամյա Նապոլեոն Ազիզյանի դիմումի փաստով: Ինչպես հայտնում է shamshyan.com -ը՝ Ն. Ազիզյանը դիմել է ոստիկանություն և հայտնել, որ այս տարվա մայիսի սկզբից մինչև հունիսի 21-ն ընկած ժամանակահատվածում իրեն պատկանող Պրահայի փողոցի 46 հասցեում գտնվող կիսակառույց շինությունից գողացել են մեծ քանակի եվրոարտադրության պատուհաններ, պատուհանի փեղկեր, ներսի դռներ և փականներ: Նշված հասցե է մեկնել ոստիկանութան Մալաթիայի բաժնի օպերատիվ խումբը՝ հետաքննչական բաժանմունքի հետաքննիչ Գևորգյանի գլխավորությամբ: Գ. Շամշյանի տեղեկություններով՝ Ն. Ազիզյանը Ազգային ժողովի նախկին պատգամավոր, «Բարգավաճ Հայաստան» կուսակցության նախկին անդամ է, ով հանրությանն ավելի շատ հայտնի է «Կիլիկիացի Նապո»: