Ղրղզստանի խորհրդարանը նախկին նախագահ Ալմազբեկ Աթամբաևին զրկել է անձեռնմխելիությունից
Ղրղզստանի խորհրդարանն այսօր հավանություն է տվել երկրի նախկին նախագահ Ալմազբեկ Աթամբաևին անձեռնմխելիությունից զրկելու մասին հատուկ պատգամավորական հանձնաժողովի որոշմանը, ինչը հնարավորություն է տալիս նրան քրեական պատասխանատվության ենթարկել, հաղորդում է ТАСС գործակալությունը։
«Պատգամավորները հավանություն են տվել նախկին նախագահ Ալմազբեկ Աթամբաևին անձեռնմխելիությունից զրկելու մասին հատուկ հանձնաժողովի առաջարկին: Կողմ են քվեարկել ներկա գտնվող 100 պատգամավորներից 95-ը, 5-ը դեմ են քվեարկել»,- ասել է խորհրդարանի աշխատակիցներից մեկը:
Երկրի նախկին նախագահը կասկածվում է կոռուպցիայի, քրեական հեղինակություն համարվող Ազիզ Բատուկաևին ապօրինի բանտից ազատելու, հողատարածքների հետ կապված խարդախությունների, ապօրինի ճանապարհով տարածքներ ձեռք բերելու համար:
Աթամբաևը Ղրղզստանի ղեկավարն է եղել 2011-ից 2017 թթ.-ին և դարձել է առաջին նախագահը, ով կառավարման առաջին ժամկետի ավարտից հետո ինքնակամ լքել է պաշտոնը:
