Ադրբեջանում նախկին կալանավորը կրակոցներ է արձակել շուկայում. զոհերի թվում երեխաներ կան
Ադրբեջանի արևմուտքում գտնվող շուկայում բացված կրակի հետևանքով 4 մարդ է մահացել` մայրը՝ երկու երեխաների հետ, ինչպես նաև վաճառողը, մի քանիսը վիրավորվել են: Միջադեպի պատճառը եղել է ընտանիքների միջև թշնամությունը, հայտնում է Report գործակալությունը:
Հաղորդվում է, որ կրակը բացել է վերջերս բանտից դուրս եկած մի տղամարդ:
Վիրավորները տեղափոխվել են հիվանդանոց, մեկի վիճակը ծանր է գնահատվում:
Փաստի առթիվ տարվում է հետաքննություն:
