Կոնդի բնակիչները բողոքի ակցիա են իրականացնում կառավարության դիմաց

Այսօր Կոնդի բնակիչները Կառավարության շենքի դիմաց բողոքի ակցիա են իրականացնում` պահանջելով նոր հանձնաժողովի ստեղծում ու իրենց տարածքների չափագրում:

«Մենք ոչ մեկին չենք ուզում լսել, մեզ պետք է վարչապետ կամ փոխվարչապետ... ու քաղաքապետն էլ անպայման ներկա լինի»,-նշում էին բնակիչները և ավելացնում, որ 19 տարի է պայքարում են:

«Նախկին իշխանություններից որոշ չինովնիկներ մեր Կոնդում հանրային տարածքներ են սեփականացրել առանց որևէ խնդրի, իսկ մենք մեր տները չենք կարողանում: Մենք չենք պատրաստվում փող տանք, որ մեր եղածը առնենք»,-ասաց մեկ այլ բնակիչ:

Բնակիչներից մեկն ասաց, որ տվյալ թաղամասում իրեն պետք է ռեստորանային համալիրի տարածք տրամադրեն, սակայն պայամանգիր կա, բայց տարածք չեն տալիս.

«Անցած տարի պարոն Վանեցյանն ասաց, որ 4-6 ամսում բոլոր կոնդեցիների պայմանագրերը կբավարարեն, եւ բոլորդ տարածք կստանաք, բայց մինչեւ հիմա չենք ստացել: 3 անգամ դիմել եմ ԱԱԾ, 3 անգամն էլ եկել է պատասխան, որ դիմեմ դատարան: Մի անգամ դիմել եմ դատարան, գործը կարճել են: 10 տարի պայմանագիր եմ կապել, չեն տալիս տարածքը, շենքերը պատրաստ է:  «Ի Էմ ՍԻ» ՓԲ ընկերության տնօրեն Գնել Քոչարյանն ինձ ասում է՝ քո տարածքները վաճառելու ենք «SAS»-ին կամ «CITY»-ին»,- ասաց բնակիչը: