Այսօր խոշոր ավտովթար է տեղի ունեցել Արարատի մարզում։ Ժամը 14։05-ի սահմաններում Երևան-Երասխ ավտոճանապարհի 13 կմ հատվածում բախվել են ВАЗ 2103, Opel Vectra և Subaru մակնիշի ավտոմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 5 հոգի, որոնց բոլորին առաջինը օգնության են հասել քաղաքացիները, օպերատիվորեն ժամանած Մասիսի հիվանդանոցի բժիշկները տեղափոխել են Էրեբունի բժշկական կենտրոն։ Հիվանդանոցից տեղեկություն է ստացվել, որ վիրավորներից մեկը, գիտակցության չգալով, մահացել է։ Ֆոտոլրագրողը հայտնում է, որ բախման հետևանքով «03»-ը կողաշրջվել է։