Ծառուկյանը՝ սևազգեստների մասին
ԱԺ-ում ԲՀԿ խմբակցության ղեկավար Գագիկ Ծառուկյանն անդրադարձել է վարչապետ Նիկոլ Փաշինյանի հայտարարությանը, թե մի խումբ սևազգեստ մարդիկ փորձում են անկառավարելի իրավիճակ ստեղծել Հայաստանում՝ այդկերպ ցույց տալով, թե գործող իշխանությունն անարդյունավետ է աշխատում:
Հարցին՝ ինքը նկատե՞լ է սևազգեստների, Ծառուկյանը պատասխանեց. «Ես միայն սպիտակն եմ տեսնում, սև գույն չեմ տեսնում»:
Ինչ վերաբերում է Մարտի մեկի դեպքերին իր մասնակցությանը, պատգամավորն ընդգծեց. «Ո՛չ հաստատում եմ, ո՛չ բացառում: Իսկ եթե ապացուցվի, ուրեմն թող Ծառուկյանին գնդակահարեն: Հարցաքննվելն էլ համապատասխան մարմիններից ճշտեք, Ծառուկյանին թյուրիմացության մեջ մի դրեք, Ծառուկյանը Մարտի մեկի հետ ոչ մի կապ չի ունեցել»:
