Թուրքիան զորք է մտցրել Նախիջևան. թուրքագետի ահազանգն ու ՊՆ-ի արձագանքը

Թուրքագետ Կարեն Հովհաննիսյանը ֆեյսբուքյան իր էջում գրել է. ««Անխախտ եղբայրություն - 2019» մարտավարական դասընթացների քողի տակ Թուրքիան զորք է մտցրել Նախիջևան: Թուրքիան և Ադրբեջանը Նախիջևանում համատեղ թվային հրետանու մարտավարական դասընթացներ են անցկացնում: Կարճ ասած՝ թուրք ինստրուկտորները ադրբեջանցիներին թվային հրետանուց կրակել են սովորեցնում հենց հնարավոր մարտ վարելու տեղանքում»: Որքանո՞վ է տեղեկությունը հավաստի և արդյո՞ք կուտակումներ կան սահմանին` Aurora News-ը փորձեց պարզել ՊՆ մամլո խոսնակ Արծրուն Հովհաննիսյանից: «Այս պահին միայն կարող եմ ասել, որ Ադրբեջանի տարածքում տեղի ունեցող ցանկացած գործողության ուշի-ուշով հետևում ենք և վերահսկում ենք իրավիճակը»,- մեզ հետ զրույցում նշեց Հովհաննիսյանը: