ՏԵՍԱՆՅՈՒԹ. Ոստիկանները հարբած ծեծել են մերձավորիս և կոտրել քիթը. Դավիթ Խաժակյան
Հայտնաբերել եմ «սևազգեստների»: Հաղորդում եմ տալիս հանցագործության մասին և դիմում ոստիկանապետին. այս մասին իր ֆեյսբուքան ուղիղի եթերի ժամանակ ասաց Երևանի ավագանու «Լույս» խմբակցության ղեկավար Դավիթ Խաժակյանը՝ ընդգծելով, որ երեկ ուշ երեկոյան միջադեպ է տեղի ունեցել իր ազգականի հետ։
«Հարբած մոտեցել են, հարցրել են, ինչ ես անում, դու ով ես, էս տարածքն ես ուզում թալանել: Մերձավորս բացատրել է, որ իր վարձակալած տարածքն է, ասել է՝ ումից է վարձակալել, հետո հարցրել է, թե դուք ով եք: Այս երկու հարբած անձինք ներկայացել են որպես ոստիկանության աշխատողներ, որից հետո մերձավորս երկար ժամանակ ստիպված է եղել նրանցից պահանջել վկայականը։ Քիչ անց նա ներկայացրել է իր վկայականը, նա եղել է ոստիկան, որից հետո հարվածելով, քաշքշելով իրեն նստեցրել են ավտոմեքենան եւ տարել ոստիկանության բաժին»,– ասել է Խաժակյանը։
