Ծեծի են ենթարկել Քաշաթաղի Վակունիս համայնքի ղեկավարին
Այսօր՝ հունիսի 5-ին ժամը 08։35-ին, Արցախի Քաշաթաղի շրջանի Վակունիս համայնքի ղեկավար, 35-ամյա Է.Զ.-ն ոստիկանության Քաշաթաղի շրջանային բաժին հեռախոսով հաղորդում է ներկայացրել առ այն, որ նույն օրը ժամը 08։15-ին նույն շրջանի Վակունիս համայնքում գտնվող իր առանձնատան մոտակայքում` քաղաքական հարցերի շուրջ ծագած վիճաբանության ընթացքում, Քաշաթաղի շրջանի Բերձոր քաղաքի բնակիչ, 43-ամյա Կ.Ս.-ն եւ ՀՀ Աբովյան քաղաքի բնակիչներ 39-ամյա Ա.Ա.-ն, 44-ամյա Ա.Ե-ն ծեծի են ենթարկել եւ մարմնական վնասվածքներ պատճառել իրեն։
Արցախի ոստիկանությունից հայտնում են, որ նշանակվել են դատաբժշկական փորձաքննություններ։
Ստուգմամբ զբաղվում է Արցախի ոստիկանության Քաշաթաղի շրջանային բաժինը։
