ՏԵՍԱՆՅՈՒԹ․ Երուսաղեմում տեղի ունեցած անկարգություններից հայեր չեն տուժել
Հունիսի 2-ին Երուսաղեմում՝ Տաճարի լեռան մերձակայքում, բախում է տեղի ունեցել հրեաների և արաբների միջև: Ինչպես տեղեկանում ենք իսրայելական լրատվամիջոցներից, հարյուրավոր մարդիկ Երուսաղեմի Հին քաղաքում՝ Տաճար լեռան տարածքում, ոստիկանների ուղղությամբ աթոռներ և քարեր են նետել:
Տեղի ոստիկանները ստիպված են եղել հատուկ միջոցներ կիրառել`անկարգությունների հտագա զարգացումը կանխելու համար:
ՀԱՅ ՁԱՅՆ լրատվականը կապ է հաստատել Երուսաղեմի Հայոց պատրիարքարանի դիվանապետ հայր Կորյուն վարդապետ Բաղդասարյանի հետ՝ տեղեկանալու համար, արդյո՞ք միջադեպի արդյունքում հայեր կամ ՀՀ քաղաքացիներ տուժել են:
Հայր Կորյունը նշել է, որ միջադեպը տեղի է ունեցել հայկական թաղամասից հեռու, իսկ հայեր էլ չեն տուժել:
Հիշեցնենք, որ իսրայելցիները երեկ նշում էին Երուսաղեմ քաղաքի միավորման 52-ամյակը:
Տաճարի լեռան կարգավիճակը շարունակում է պաղեստինա-իսրայելական հարաբերությունների սուր անկյուններից մեկը մնալ: Այստեղ է գտնվում 7-8-րդ դարերում կառուցված Ալ-Ակսա մզկիթը: Այնտեղ մայիսի 31-ին 260 հազար մուսուլման մասնակցել է Ռամադանի վերջնական աղոթքին:
