Սիս գյուղի ճանապարհի նախագիծ նախահաշիվն ունենք. նոր տեսանյութ հայտնի տղայի մասնակցությամբ
Սիս գյուղի ճանապարհը հիմնանորոգելու համար հունիսի կեսին մրցույթ կհայտարարվի, տեղեկանում ենք ՀՀ կառավարության ֆեյսբուքյան էջից:
Վարչապետ Նիկոլ Փաշինյանն կառավարության հերթական նիստում ճանապարհաշինությանը գումար հատկացնելու շրջանակներում ծավալված քննարկման ժամանակ հիշեց, թե ինչպես էին գյուղական համայնքներից մեկում մի խումբ երեխաներ հարցազրույց տվել ու դժգոհում, որ վարչապետը խոստացել էր իրենց գյուղի ճանապարհները սարքել, բայց չսարքեց։
Նիկոլ Փաշինյանը, դիմելով տարածքային կառավարման ու զարգացման նախարարին, հետաքրքրվեց․ «Պարոն Պապիկյան, տեսե՞լ եք էն տեսանյութը, որ Սիս գյուղի երեխեքը հարցազրույց են տալիս, ասում են՝ Նիկոլը եկավ, խոստացավ՝ գլխառադ արեց, չսարքեց։ Էդ ճանապարհն ի՞նչ եղավ, խի՞ չենք սարքում, երեխեքը բողոքում են, սենց չեղավ»։
