Ավտովթար Գառնիի ճանապարհին. կա 4 տուժած

Այսօր՝ մայիսի 31-ին, խոշոր ավտովթար է տեղի ունեցել Կոտայքի մարզում։ Ինչպես հայտնում է Shamshyan. com-ը՝ ժամը 12։20-ի սահմաններում Երևան-Գառնի-Գեղարդ ավտոճանապարհի Հացավան գյուղի սկզբնամասում բախվել են Opel մակնիշի 35 OC 116 համարանիշի և Mercdes մակնիշի 36 DԼ 490 համարանիշի ավտոմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 4 հոգի տեղափոխվել են Սուրբ Գրիգոր Լուսավորիչ բժշկական կենտրոն։ Վիրավորներին առաջինը օգնության են հասել գյուղացիները, և օպերատիվ են գործել Գառնի գյուղի բժշկական ամբուլատորիայի բժիշկները։ Բախման հետևանքով 2 ավտոմեքենաները դուրս են եկել ճանապարհի երթևեկելի գոտուց։ Մանրամասները կարդացեք սկզբնաղբյուրում: