Ամբողջ պատասխանատվությունն «Իմ քայլ»-ի վրա է. Ծառուկյան

ԱԺ «Բարգավաճ Հայաստան» խմբակցության ղեկավար Գագիկ Ծառուկյանը խորհրդարանում այսօր առավոտյան լրագրողների հետ զրույցում անդրադարձել է ցեմենտի մաքսատուրքերի հետ կապված հարցերին՝ վերահաստատելով իր դիրքորոշումն այդ հարցում՝ բարձրացնել նաև կլինկերի հարկը, գրում է Shantnews am-ը: Ծառուկյանը, սակայն, նշել է, որ եթե օրենսդրական նախագիծն ընդունվի այն տեսքով, որ կա հիմա, ապա ամբողջ պատասխանատվությունը կընկնի իշխող կուսակցության վրա: Գագիկ Ծառուկյանն ասել է, որ նույնկերպ «Իմ քայլը» դաշինքը պատասխանատվություն է կրում Արցախյան բանակցություններում, և այդ առումով ինքը լավ է վերաբերվում, որ Արցախը պետք է մասնակցի բանակցությանը՝ որպես կողմ, անկախ պետություն: