Խոշոր հրդեհ Գյումրիում. վագոն-տնակը մոխրակույտի է վերածվել. Shamshyan com

Այսօր՝ մայիսի 28-ին, արտակարգ դեպք է տեղի ունեցել Շիրակի մարզում։ Ժամը 03։05-ի սահմաններում արտակարգ իրավիճակների նախարարության փրկարար ծառայութան 9-11 օպերատիվ կառավարման կենտրոն ահազանգ է ստացվել, որ Գյումրի քաղաքի տներից մեկում հրդեհ է բռնկվել։ Ինչպես հայտնում է ֆոտոլրագրող Գագիկ Շամշյանը, դեպքի վայր են մեկնել Գյումրու հրշեջ-փրկարարական ջոկատը՝ 2 մարտական հաշվարկով։ Հրշեջներն ու քաղաքացիները նախ կանխել են կրակի տարածումը, այնուհետև մարել այն։ Տնակն ամբողջովին վերածվել է մոխրակույտի։ Ըստ նախնական տեղեկությունների՝ բարեբախտաբար, զոհեր և վիրավորներ չկան։ Դեպքի վայր են ժամանել նաև ոստիկանության ծառայողները, ովքեր պարզում են տնակի տիրոջ ինքնությունը։