Հայաստանում 1996 թվականից հետո և մինչև վերջին ընտրությունները չի եղել որևէ ընտրություն, որին Հայաստանի ժողովուրդը կասկածով չվերաբերվի։ Այս մասին այսօր լրագրողներին հայտնել է ԱԺ փոխխոսնակ Ալեն Սիմոնյանը։ Մինչ այդ միակ ընտրությունը, ըստ Սիմոնյանի, եղել է 1991 թվականին, և դա միակ դեպքն է եղել, որ որևէ մեկի մոտ կասկած չի առաջացել։ Սիմոնյանը հիշեցրեց, որ ինքը կոչ է արել Ռոբերտ Քոչարյանին ու Սերժ Սարգսյանին նախագահ չկոչել, քանի որ նրանք երկուսն էլ երբևէ ընտրություններում չեն հաղթել իրենց մրցակիցներին։ Ինչ վերաբերում է ընտրություններին հնարավոր կեղծիքներին իրավական գնահատական տալուն, Սիմոնյանը ասաց՝ չզարմանաք, որ մեկ տարի հետո 2017 թվականի ընտրությունների վերաբերյալ քրեական գործ հարուցվի, նույնկերպ մյուս ընտրությունների վերաբերյալ։