Երեկվա հավաքը հերթական սադրանքն էր. Իմ քայլը դաշինքի պատգամավոր

Արդեն հայտարարվել է, որ Ազատության հրապարակում տեղի ունեցած հանրահավաքը որևէ առնչություն չունի "Իմ քայլը" դաշինքի կամ "Քաղաքացիական պայմանագիր" կուսակցության հետ: Այս մասին ֆեյսբուքայն իր էջում գրել է ԱԺ Իմ քայլը դաշինքի պատգամավոր Գայանե Աբրահամյանը` հավելելով. Այս հավաքը ես սկզբում պարզապես դիտարկեցի հավաքների ազատության տիրույթում, ինքնաբուխ ակցիա, որն իրավունքի և սովորության ուժով հաճախ է իրականացվում, սակայն եթե մի տեղ հնչում են բռնության կոչեր ու դա արվում է "ի աջակցություն" վարչապետի, ապա ակնհայտ է, որ սա հերթական սադրանքն է, անգամ եթե այնտեղ կային անկեղծ և ազնիվ սատարողներ: Ակնհայտ էր նաև ուղղորդման օրակարգը. հերթական սեպը խրել Արցախի ու Հայաստանի միջև: Բռնության կոչ հնչեցնել Արցախի նախագահ Բակո Սահակյանի նկատմամբ ոչ այլ ինչ է, քան ադրբեջանական կամ որոշ խմբավորումների ջրաղացին ջուր լցնել: