Ազատության հրապարակում ՀՅԴ հրավիրած հանրահավաքի մասնակիցները դեղին քարտ ցույց տվեցին իշխանություններին և լրջանալու կոչ արեցին։ «Մենք եւ քարտ ենք ցույց տալիս՝ հույս ունենալով, որ երկրորդ, երրորդ քարտի կարիք չի լինի: Մենք նորից գալիս ենք ասելու՝ թույլ չենք տա, որ մեր երկրում լինի մեկ կարծիք, մեկ կարծիքը դիկտատուրա է և մեր երկրում բացառվում է: Եվ դրա համար եկել ենք ասելու՝ լրջացե՛ք»»,- նշեց ՀՅԴ ԳՄ անդամ Գեղամ Մանուկյանը։ Նշենք, որ հանրահավաքին մասնակցում են դաշնակցականներ Գեղամ Մանուկյանը, Իշխան Սաղաթելյանը, Հրանտ Մարգարյանը, Արմեն Ռուստամյանը, ինչպես նաև ԱԺ ՀՀԿ խմբակցության նախկին պատգամավոր Շուշան Պետրոսյանը, ՀՀԿ-ական Մենուա Հարությունյանը, «Ադեկվադ» նախաձեռնության անդամները, Ռոբերտ Քոչարյանի պաշտպանական թիմի անդամ Ռուբեն Սահակյանը և այլք: