Ցուցարարների գործողությունների արդյունքում գրանցված ահազանգերն ուղարկվել են գլխավոր դատախազություն
ՀՀ գլխավոր դատախազի խորհրդական Գոռ Աբրահամյանը Facebook-ի իր էջում գրառում է կատարել և տեղեկացրել, որ ՀՀ գլխավոր դատախազի կողմից հանձնարարվել է այսօր դատարանների մուտքերն ու ելքերն արգելափակելուն ուղղված գործողությունների ընթացքում կատարված առերևույթ հանցագործության վերաբերյալ ներկայացված բոլոր հաղորդումները, ահազանգերն ուղարկել ՀՀ գլխավոր դատախազություն՝ դրանք ՀՀ հատուկ քննչական ծառայություն ուղարկելու, համակողմանի այդ իրադարձությունները քրեադատավարական կարգով ստուգելու և իրավական գնահատականի արժանացնելու նպատակով:
Ոստիկանությունից հայտնել են, որ ցուցարարների կողմից դատարանների մուտքերը փակելու այսօրվա ակցիայի ընթացքում 3 ահազանգ է ստացվել, որոնց հիման վրա սկսվել է համապատասխան նյութեր նախապատրաստվել։
Ահազանգերից երկուսը եղել են դատարաններից կողմից՝ շենքի մուտքը փակելու մասին։ Մյուս ահազանգը ստացվել է Աջափնյակի դատարանից ապակիներից մեկի կոտրվելու մասին։
