Լիլիթ Մակունցը կարծում է, որ սահմանադրական կարգ չի խախտվել
ԱԺ «Իմ քայլը» խմբակցության ղեկավար Լիլիթ Մակունցը լրագրողների հետ զրույցում նշեց, որ հանրության մեջ օրեցօր խորանում է դատաիրավական համակարգի նկատմամբ անվստահությունը:
Այն հարցին, թե արդյոք առավոտյան խախտվել է սահմանադրական կարգը, նա պատասխանեց.
«Ես կարծում եմ, որ սահմանադրական կարգը չի խախտվել: Այն, ինչ տեղի ունեցավ Հայաստանի Հանրապետությունում մի քանի ժամ առաջ, բխում էր այն հեղափոխական փոփոխությունների տրամաբանությունից, որը տեղի է ունեցել արդեն իսկ մեկ տարի առաջ»:
Լիլիթ Մակունցը նշեց, որ միջազգային կառույցներն այս պահին չեն շտապում գնահատականներ հնչեցնել ժողովրդի կողմից արդարադատության պահանջի մասին:
«Միջազգային հանրությունն ըմբռնումով է մոտենում հանրության անհագ պահանջին` ունենալու ՀՀ-ում անկախ դատական իշխանություն և վերափոխված դատական համակարգ»,- ասաց Մակունցը:
