Արտառոց դեպք Երևանում. երիտասարդը պատշգամբից ընկել է մեքենայի վրա . Sputnik Armenia
Sputnik Armenia-ի տեղեկություններով՝ մայիսի լույս 19-ի գիշերը արտառոց դեպք է տեղի ունեցել Երևանի կենտրոնում։
Ժամը 5-ի սահմանում շտապօգնության խումբը թիվ 1 համալսարանական հիվանդանոց է հասցրել Երևանում ապրող 23-ամյա մի երիտասարդի։ Նրա գլխին վնասվածքներ են եղել․ առաջին հայացքից երիտասարդին ծեծել էին։
Ըստ որոշ տեղեկությունների՝ երիտասարդը ծեծի չի ենթարկվել։ Դեպքի ժամանակ նա ոչ սթափ վիճակում է գտնվել և փորձել է ինչ-ինչ պատճառներով երրորդ հարկի բնակարանի պատշգամբից իջնել փողոց։
Այդ ընթացքում կորցրել է հավասարակշռությունն ու ընկել ներքևում կայանված մեքենայի վրա՝ ստանալով բազմաթիվ վնասվածքներ։ «Մերսեդեսի» ձայնազդանշանային համակարգը միացել է։ Աղմուկից հարևանները դուրս են եկել ու օգնության հասել երիտասարդին՝ զանգահարելով 1-03։
