Ըստ նախնական տվյալների` Գիզայում տեղի ունեցած պայթյունի հետևանքով տուժածների շրջանում ՀՀ քաղաքացիներ և հայեր չկան: Այս մասին թվիթերի իր էջում գրառմամբ հայտնել է ՀՀ ԱԳՆ-ն: Հիշեցնենք, որ Կահիրեում պայթյուն է որոտացել Եգիպտոսի Մեծ ազգային թանգարանի մոտ, 14 մարդ վիրավորվել է: Նախնական տվյալներով՝ ռումբը պայթել է զբոսաշրջային ավտոբուսի հարևանությամբ: Մեծ եգիպտական թանգարանը գտնվում է Գիզայի բուրգերի համալիրից ոչ հեռու: Նշվում է, որ ներկա պահին դեպքում վայրում աշխատում են ոստիկանության և փրկարար ծառայությունների աշխատակիցները: