Ռոբերտ Քոչարյանը կալանքից ազատ արձակվեց

Երևանի ընդհանուր իրավասության դատարանը, հիմք ընդունելով Արցախի նախկին և ներկա նախագահների երաշխավորությունը, որոշում կայացրեց ազատ արձակել Հայաստանի երկրորդ նախագահ Ռոբերտ Քոչարյանին: Մարտի 1-ի գործով սահմանադրական կարգը տապալելու և առանձնապես խոշոր չափի կաշառք ստանալու մեջ մեղադրվող Քոչարյանը կալանավորված էր անցած տարվա դեկտեմբերի 7-ից: Այս գործով անցնում են ևս երեք բարձրաստիճան նախկին պաշտոնյաներ: Նախկին նախագահ Ռոբերտ Քոչարյանի և մյուս պաշտոնյաների՝ Արմեն Գևորգյանի, Յուրի Խաչատուրովի և Սեյրան Օհանյանի գործով դատական նիստը մեկնարկել է մայիսի 13-ից: Քննվում էր Քոչարյանի խափանման միջոցի հիմնավոր լինել-չլինելու հարցը: