ՀՀ երկրորդ նախագահ Ռոբերտ Քոչարյանը դուրս եկավ Ազգային անվտանգության ծառայության մեկուսարանից՝ «Երևան կենտրոն» ՔԿՀ-ից, և արդեն ազատության մեջ է։ Նա մեկուսարանի տարածքից դուրս եկավ ծառայողական մուտքով։ Երևանի ընդհանուր իրավասությունների Ավան և Նոր Նորք վարչական շրջանների դատարանը՝ դատավոր Դավիթ Գրիգորյանի նախագահությամբ, այսօր որոշեց ՀՀ երկրորդ նախագահ Ռոբերտ Քոչարյանին անձնական երաշխավորությամբ ազատ արձակել։ Հիշեցնենք` մայիսի 14-ին ԼՂՀ նախկին և ներկա նախագահներ Բակո Սահակյանն ու Արկադի Ղուկասյանը ՀՀ երկրորդ նախագահ Ռոբերտ Քոչարյանին կալանքից ազատելու երաշխավորագիր էին ներկայացրել դատարան` որպես անձնական երաշխիք վճարելով 500 000-ական դրամ։