Հայաստանը կասկածի տակ չի դնում Գյումրու ռուսական ռազմաբազայի գոյությունը. Զոհրաբ Մնացականյան

Հայաստանը կասկածի տակ չի դնում Գյումրու ռուսական ռազմաբազայի գոյությունը: Այս մասին, «ՌԻԱ Նովոստի»-ի հաղորդմամբ, հայտարարել է ՀՀ արտաքին գործերի նախարար Զոհրաբ Մնացականյանը: Մնացականյանը պատասխանելով հարցերին, հայտնել է, որ ռազմաբազան եւ դրա հետ կապված միջադեպերը խնդիրներ չեն ստեղծում հայ-ռուսական հարաբերությունների համար: «Կա ռազմաբազա համաձայնագրի հիմքով, այն մեծ նշանակություն ունի: Փոխհարաբերություններում կարող են տարբեր հարցեր լինել, սակայն դա չի նշանակում, որ Հայաստանը կարող է կասկածի տակ դնել ռազմաբազայի գոյությունը»,- հստակեցրել է ՀՀ արտաքին գործերի նախարարը: