Մարտի 1-ի մայր գործով որևէ մեկին մեղադրանք չի առաջադրվել. Վահե Գրիգորյան
Մարտի մեկի մայր գործով մինչ այս պահը որևէ մեկին մեղադրանք է չի առաջադրվել։ Այս մասին այսօր՝ մայիսի 13–ին, Քոչարյանի և մյուսների գործով նախնական դատական նիստից հետո հայտարարեց Մարտի մեկի գործով տուժողների իրավահաջորդների ներկայացուցիչ, փաստաբան Վահե Գրիգորյանը։
NEWS. am–ի հարցին, թե մայր գործով որևէ տեղաշարժ կա՞, արդյոք հայտնի՞ են 10 զոհերի սպանության մեղավորները, Գրիգորյանը պատասխանեց.
«Մայր գործով որևէ մեկին մեղադրանք չի առաջադրվել, չգիտեմ, թե այդ գործով քննչական աշխատանքն ուր է հասել, բայց գիտեմ, որ գործով բավականին ինտենսիվ քննություն է ընթանում»։
