Հորս առաջադրված մեղադրանքը անձնական վրեժխնդրություն է. Լևոն Քոչարյան
«Այն, ինչ պաշտպաններն են ասում, այն, ինչ հայրս է ասում, մենք բոլորս համամիտ ենք, այդ ամենը մենք տեսնում են եւ բազում փաստեր են եղել, որ ապացուցել են այդ ամենը»,–այս մասին այսօր դատարանի դահլիճում լրագրողների հետ զրույցում ասաց Ռոբերտ Քոչարյանի որդին՝ Լեւոն Քոչարյանը, պնդելով՝ ՀՀ երկրորդ նախագահ Ռոբերտ Քոչարյանին առաջադրված մեղադրանքը կոնկրետ անձնական վրեժխնդրություն է։
Հարցին՝ ի՞նչ փաստեր նկատի ունի, Լեւոն Քոչարյանն արձագանքեց, որ ամենացայտունը՝ «Ուզես, չուզես կալանքը պետք ա տաս» ԱԱԾ տնօրենի եւ ՀՔԾ պետի հեռախոսազրույցի հատվածն է։
Խոսելով 2008 թվականի իրադարձություններից՝ Լևոն Քոչարյանն ասաց, թե նախևառաջ պետք է հասկանալ, թե ով է այդ սպանությունը կազմակերպել, այդ ամենի մեջ մեղավոր, նա էլ պատասխան տա։
Ռոբերտ Քոչարյանի որդին ասաց՝ ակնկալում են, որ մինչ մինչ օրս կիրառվող ապօրինի խափանման միջոցը կվերացվի։
