Հայաստանը տարածաշրջանում առաջատարն է ՃՏՊ-ների զոհերի թվով

«Բարձրաձայնե՛ք եւ փրկե՛ք կյանքներ» խորագրի ներքո այսօր մեկնարկեց ՄԱԿ-ի Ճանապարհային անվտանգության հինգերորդ գլոբալ շաբաթը։ Միջոցառմանը նշվել է, որ Հայաստանը տարածաշրջանում, ցավալիորեն, առաջին հորիզոնականում է վթարներում մարդկային զոհերի եւ վիրավորների թվով։ Մասնավորապես, ինչպես աշխարհում, այնպես էլ Հայաստանում ՃՏՊ-ները հանդիսանում են 5-29 տարեկան երեխաների ու երիտասարդների վաղաժամ մահացության առաջնային պատճառը։ ՃՈ պետ Եգոր Կարապետյանը նշեց, որ չնայած բազմաթիվ հորդորներին՝ ամեն օր հանրապետությունում 450-600 վարորդ տուգանվում է ամրագոտի չկապելու համար։ Իսկ վիճակագրությունը փաստում է, որ ամրագոտու եւ մանկական արմատեղերի կիրառումը մինչեւ 80% նվազեցնում է վթարներում մահվան ելքով դեպքերի եւ վնասվածքների թիվը։