ՊՎԾ պաշտոնյա Սամվել Ադյանն ազատ արձակվեց «Կենտրոն» ՔԿՀ-ից
Պետական վերահսկողական ծառայության գնումների գործընթացների վերահսկողության վարչության պետի ժամանակավոր պաշտոնակատար Սամվել Ադյանն այսօր առավոտյան ազատ է արձակվել <<Երևան-Կենտրոն>> ՔԿՀ-ից։ Այս մասին հայտնել են ՀՀ ԱՆ Քրեակատարողական վարչությունից:
Սամվել Ադյանի փաստաբան Դավիթ Մնացականյանը կտրականապես մերժել է լրատվամիջոցներին տեղեկություն տրամադրել՝ ասելով, թե իր պաշտպանյալը արգելել է շփվել լրատվամիջոցների հետ, տեղեկություններ փոխանցել։
Հիշեցնենք, որ Երևանի ընդհանուր իրավասության դատարանը օրեր առաջ մերժել էր Ադյանի կալանքի ժամկետը երկարացնելու վերաբերյալ ԱԱԾ քննիչի ներկայացրած միջնորդությունը, իսկ այսօր լրացել է նրան կալանքի տակ պահելու երկու ամիսը։
