Մակունցը` «իր համար գնված» նոր Տոյոտա Քեմրիի մասին
ԱԺ պատգամավոր, «Իմ քայլը» խմբակցության ղեկավար Լիլիթ Մակունցն անդրադարձել է մամուլի հրապարակումներին այն մասին, թե իրեն նոր Տոյոտա Քեմրի են տրամադրել, քանի որ վերջինս հրաժարվել է օգտվել Վահրամ Բաղդասարյանին սպասարկած ծառայողական մեքենայից:
Նա ֆեյսբուքյան իր էջում գրել է. «Ահա այն ամենը, ինչ պետք է իմանալ հատուկ «ինձ համար գնված» նոր Տոյոտա Քեմրիի մասին.
- ծառայողական ավտոմեքենան արտադրվել է 2015թ.-ին,
- վազքը կազմում է մոտավորապես 125.000 կմ,
- մամուլում տարածված հոդվածի վերնագիրը և բովանդակությունն իրար չեն համապատասխանում: ԱԺ աշխատակազմի ղեկավարը նշել է, որ ինձ համար նոր ծառայողական մեքենա չեն գնել:
Թարմացում. քիչ առաջ աշխատակազմից ինձ տեղեկացրեցին, որ մեքենան ԱԺ-ն ձեռք է բերել հենց 2015թ.-ին»:
