Հումորիստ Զելենսկին Ուկրաինայի առաջին հրեա նախագահը կդառնա
Շոումեն, հումորիստ Վլադիմիր Զելենսկին կդառնա Ուկրաինայի առաջին հրեա առաջնորդը: Այս մասին հայտնել է ամերիկյան The New York Times պարբերականը:
«Զելենսկիի հաղթանակը պատասխանն է Ռուսաստանի՝ տարիներ շարունակ Ուկրաինան որպես ֆաշիստների կողմից կառավարվող հակասեմական պետություն ներկայացնելուն ուղղված քարոզչությանը»,-գրում է աղբյուրը: Ըստ պարբերականի՝ ուկրաինացիներն իրենց ընտրությամբ ցույց տվեցին, որ անհանգստացած են ներքին խնդիրներով՝ կոռուպցիայով և աղքատությամբ:
«Այսպիսով՝ նրանք անտեսեցին Պորոշենկոյի նախազգուշացումն առ այն, որ հումորիստի օգտին քվեարկելը «ծիծաղելի չէ» ու կարող է «ցավոտ» հետևանքներ ունենալ»,-գրում է պարբերականը:
