Armlur. am-ի տեղեկություններով, Գեղարքունքի մարզպետ Գնել Սանոսյանի որոշմամբ դադարեցվել են Վանևանի գյուղապետ Նորայր Հարությունյանի լիազորությունները: Մարզպետի որոշմամբ, նշանակվել է նաև ժամանակավոր պաշտոնակատար՝ Արամ Հարությունյանը: Վերջինս Վարդենիս քաղաքաից է և վաղը պետք է տանեն ներկայացնելու: Եվ չնայած գյուղապետի լիազորությունները դադարեցվել են և ըստ էության հաղադուլավոր Ատոմ Մկրտչյանի պահանջը կատարվել է, սակայն ապրիլի 9-ից հացադուլի մեջ գտնվող գյուղացին չի պատրաստվում դադարեցնել հացադուլը: Իսկ նրա հետ գյուղապետի հրաժարականը պահանջողներն էլ դժգոհ են ժամանակավոր պաշտոնակատարի ընտրությունից՝ հայտարարելով, թե վերջինս գործարքներ է արել նախկին գյուղապետի հետ: Հիշեցնենք, որ այսօր էլ կառավարության դիմաց էին հավաքվել կրկին գյուղապետի հրաժարականը պահանջողները և պահանջում էին, որ թույլ չտան՝ Նորայր Հարությունյանը հրաժարականի դեպքում կրկին առաջադրվի: