Օրինախախտ վարորդը հայտարարել է, թե վարչապետի սանիկն է և զանգել Փաշինյանին
Օրերս Armdaily. am-ի թղթակցին մի ուշագրավ դեպքի մասին են պատմել, ասում են՝ ճանապարհային ոստիկանը կանգնեցրել է օրինախախտ մի վարորդի, ով հայտարարել է, թե ինքը վարչապետի սանիկն է։
Լրատվականի փոխանցմամբ՝ բնականաբար, ոստիկանը չի հավատտացել, վաղեմի սանիկն էլ զանգել է քավորին, երբ ոստիկանը ողջունել է վարչապետին, հաճելիորեն զարմացել է՝ լսելով, թե ինչ հրահանգ է տալիս Փաշինյանը։ Իսկ Փաշինյանը ՃՈ աշխատակցին ասել է՝ պատժել օրենքի խստությամբ, արձանագրել ամեն խախտում, արդյունքում օրինախախտ սանիկի մեքենան հայտնվել է տուգանային հրապարակում, նա եղել է ալկոհոլի ազդեցությամբ։ Ասոմ են՝ ոստիկանի ինքնասիրությունը մի այլ կարգի շոյվել է, լավ է զգացել, եւ տեւական ժամանակ է՝ ուր նստում, այս դեպքի մասին է պատմում՝ իբրեւ նոր Հայաստանի ապացույց։
Լրատվամիջոցը նշում է՝ ինչպես ասում են՝ мелочь, но приятно։
