ՀՀ ՊՆ ռազմական ոստիկանությունը շարունակում է հետևողական աշխատանքներ իրականացնել զինծառայողների շրջանում արատավոր բարքերի վերացման, միջանձնային հարաբերությունների մակարդակի բարձրացման ուղղությամբ: Այս մասին հայտնում են ՊՆ ռազմական ոստիկանությունից: Ռազմական ոստիկանության բարձրաստիճան սպայական կազմն օրերս այցելել է սահմանամերձ զորամասեր, տեղում ծանոթացել իրականացվող աշխատանքներին: Ռազմական ոստիկանության պետի ցուցումով հատուկ ուշադրություն է դարձվել շահագործվող զինտեխնիկայի սարքինությանը: