![Այրվածքների հետևանքով հիվանդանոցում մահացել է 12-ամյա աղջնակը](https://auroranews.am/storage/img/base_image/old/0bb2137e9f867448523cc5a565514dbf.webp)
Այրվածքների հետևանքով հիվանդանոցում մահացել է 12-ամյա աղջնակը
![Այրվածքների հետևանքով հիվանդանոցում մահացել է 12-ամյա աղջնակը](https://auroranews.am/storage/img/base_image/old/0bb2137e9f867448523cc5a565514dbf.webp)
Արարատի մարզպետ Գարիկ Սարգսյանը ֆեյսբուքյան իր էջում գրել է. «Ցավով տեղեկացա, որ քիչ առաջ Ճառագայթային բժշկության ու այրվածքների գիտական կենտրոնում մահացել է օրերս Մասիս քաղաքում մեքենայի հրդեհի հետևանքով այրված 12-ամյա Նորան։ Դժբախտաբար, բժիշկներին չի հաջողվել փրկել երեխայի կյանքը։
Ցավակցություններս եմ հայտնում երեխայի ընտանիքի անդամներին և հարազատներին։ Պետք է հնարավորինս ուշադիր ու հոգատար լինենք՝ նմանօրինակ դեպքերը բացառելու համար»,-գրել է նա։ Հիշեցնենք, որ մարտի 23-ին՝ ժամը 22:04-ին, «911» ծառայությանն ահազանգ էր ստացվել, որ Արարատի մարզի Մասիս քաղաքի կայարանի մոտակայքում այրվում է ավտոմեքենա: Ավտոմեքենայից դուրս էր բերվել Ն.Մ.-ն (ծնված 2007թ.):