Անհետացել է Դա Վինչիի՝ աշխարհում ամենաթանկ համարվող կտավը
Ֆրանսիական հեղինակավոր Լուվր թանգարանի՝ Աբու Դաբիում գտնվող մասնաճյուղի աշխատակիցները չգիտեն՝ որտեղ է գտնվում Լեոնարդո դա Վինչիի վրձնին պատկանող «Աշխարհի փրկիչը» կտավը, որը 2017թ. նոյեմբերին 450 մլն դոլար ռեկորդային գնով աճուրդում վաճառվելուց հետո 2018թ. սեպտեմբերին պետք է ցուցադրության հանվեր Աբու Դաբիում:
Ինչպես նշում է The New York Times-ը, թանգարանի տնօրենությունն առանց որևէ պատճառ ներկայացնելու անորոշ ժամանակով հետաձգել է ցուցադրությունը, իսկ Աբու Դաբիի մշակույթի և զբոսաշրջության վարչությունը հրաժարվում է հարցի շուրջ որևէ մեկնաբանություն տալ:
Նշվում է, որ կտավը 2017թ-ին վերահիշյալ ռեկորդային գնով ձեռք էր բերել Սաուդիան Արաբիայի արքայազնը։
