Շիրակի մարզի դատախազությունից ուղարկված ՙԳյումրու թիվ 27 միջնակարգ դպրոց՚ ՊՈԱԿ-ի տնօրենի դիմումի հիման վրա Շիրակի մարզային քննչական վարչությունում նախապատրաստված նյութերով փաստական տվյալներ են ձեռք բերվել դպրոցում մի քանի առարկաների՝ ֆիզիկա, հայոց լեզու, քիմիա և ֆիզկուլտուրա, չդաասավանդման, սակայն համապատասխան ուսուցիչների կողմից աշխատավարձ ստանալու վերաբերյալ: Դեպքի առթիվ հարուցել է քրեական գործ: Բացի վերոնշյալը Գյումրի քաղաքի մի բնակիչ հաղորդում է տվել նույն դպրոցում որպես ուսուցչուհի նշանակվելու նպատակով դպրոցի տնօրենի պահանջով և վերջինիս գործավարուհու միջոցով նրան կաշառք տալու և այդ ճանապարհով դպրոցում աշխատանքի անցելու մասին: Նշված փաստերի առթիվ հարուցվել է ևս երկու քրեական գործ: Պարզվում է, դպրոցի տնօրենը, ակնհայտորեն դուրս գալով իր լիազորությունների շրջանակից, տարբեր պատրվակներով, դպրոցի ուսուցիչներից, աշակերտների ծնողներից գումարներ է հավաքել: Ուսուցչների թափուր տեղերը լրացնելու դիմաց կաշառք է պահանջել, ու այդ գործընթացներին մասնակից է եղել նաև գործավարուհին: Մարտի 26-ին նշված դպրոցի տնօրենը և վերջինիս գործավարուհին ձերբակալվել են: ՙԳյումրու թիվ 27 միջնակարգ դպրոց՚ ՊՈԱԿ-ի տնօրենին վերոնշյալ հանցավոր արարքներն առերևույթ կատարելու համար առաջադրվել է մեղադրանք ու կալանավորվել է: Քրեական գործով նախաքննությունը շարունակվում է: Ձերբակալվել էր նաև Գյումրու թիվ 27 միջնակարդ դպրոցի գործավարուհին` կաշառք տալու միջնորդության կասկածանքով: