Հակոբ Արշակյանը հրավիրում է համագործակցության
«Հայաստանում թե Սփյուռքում, բարձր տեխնոլոգիաների ոլորտի զարգացմամբ շահագրգիռ բոլոր խմբերին, պրոֆեսիոնալներին, ասոցիացիաներին հրավիրում եմ համագործակցության՝ մասնակցելու ոլորտի քաղաքականության և ծրագրերի մշակմանն ու իրականացմանը»,- ֆեյսբուքյան էջում գրել է ՀՀ տրանսպորտի, կապի եւ տեղեկատվական տեխնոլոգիաների նախարար Հակոբ Արշակյանը:
Մանրամասնելով նա նշել է.
✅ Հետաքրքրված մարդկանց խնդրում եմ լրացնել հետևյալ հայտը մինչև ապրիլի 10-ը:
https://goo.gl/forms/GEoR3NcORygt2qc63
✅ Առաջարկվող ձևաչափով խորհրդակցական մարմինի աշխատանքներին կարելի է մասնակցել հասարակական հիմունքներով, աշխատելու ենք ազատ աշխատանքային քննարկումների և մտքերի փոխանակության ֆորմատով։
✅ Հանդիպումների ընթացքում քննարկվելու են զարգացման ուղղությունները, ծրագրերը, մոտեցումները, վեր են հանվելու ոլորտի զարգացմանը խոչընդոտող իրավական և այլ խնդիրները, առաջարկվելու են դրանց լուծման մեխանիզմները։
Խորհրդակցական մարմինը (նկարում նարնջագույն) կոորդինացնելու է մասնագիտական խմբերի աշխատանքը (նկարում երկնագույն)։
Շնորհակալ եմ:
