Վրաստանում սելֆի անելիս 13-ամյա աղջիկ է զոհվել
Վրաստանի Ռուսթավի քաղաքում 13-ամյա աղջիկը բնակելի շենքի 8-րդ հարկից վայր է ընկել եւ մահացել, հաղորդում է «Իմեդի» հեռուստաընկերությունը:
Ըստ ականատեսների՝ աղջիկը հյուր է գնացել եւ հասակակից ընկերուհու հետ բարձրացել է շենքի տանիք՝ հեռախոսով սելֆի անելու համար: Լուսանկարվելու ժամանակ դեռահասը կորցրել է հավասարակշռությունը եւ ընկել տանիքից:
Քրեական գործը հարուցվել է «ինքնասպանությանը հասցնելու» հոդվածով:
