![ՏԵՍԱՆՅՈՒԹ․Փոհրաձգություն հայերի, ադրբեջանցիների և դաղստանցիների միջև. զոհվել է մեկ հայ](https://auroranews.am/storage/img/base_image/old/636d4ccfd611b23f5fff092031475edd.webp)
ՏԵՍԱՆՅՈՒԹ․Փոհրաձգություն հայերի, ադրբեջանցիների և դաղստանցիների միջև. զոհվել է մեկ հայ
![ՏԵՍԱՆՅՈՒԹ․Փոհրաձգություն հայերի, ադրբեջանցիների և դաղստանցիների միջև. զոհվել է մեկ հայ](https://auroranews.am/storage/img/base_image/old/636d4ccfd611b23f5fff092031475edd.webp)
ՌԴ Վոլգոգրադի մարզի Ֆրոլովո քաղաքում մարտի 10-ին հրազենի կիրառմամբ զանգվածային ընդհարում է տեղի ունեցել, ինչի հետևանքով զոհվել է մեկ, վիրավորվել` երեք մարդ:
Tert. am-ը հղում տալով bloknot-volgograd .ru-ին՝ նշում է, որ փոխհրաձգությունը տեղի է ունեցել մի դաղստանցու շուրջ վեճի պատճառով: Սկզբում Դաղստանի վեց քաղաքացի մտել է Ֆրոլովոյում գտնվող ու հայ-ադրբեջանական խառը ընտանիքին պատկանող խանութ-գրասենյակ:
Աղբյուրը նկատում է, որ կոնֆլիկտն ի սկզբանե կրել է տնտեսական բնույթ: Կոնֆլիկտի մաս կազմող հայ-ադրբեջանական ընտանիքի ներկայացուցիչները գործարարներ են, նրանք զբաղվում են առևտրով:
Փոխհրաձգության մասնակիցներից մեկի պատմելով՝ առաջինը կրակ են բացել դաղստանցիները. դրա հետևանքով զոհվել է մեկ հայ:
Ինչ վերաբերում է վիրավորներին, ապա նրանցից երկուսը դաղստանցի են, մյուսը՝ հայ-ադրբեջանական ընտանիքի անդամ, որի վիճակը ծայրահեղ ծանր է:
ՌԴ Քննչական կոմիտեի Վոլգոգրադի մարզի գլխավոր քննչական վարչության աղբյուրի փոխանցմամբ՝ դեպքի վայրից փախուստի դիմած չորս դաղստանցիները բերման են ենթարկվել: