![ՃՏՊ Երևան-Մեղրի ավտոճանապարհին․ ավտոմեքենան հայտնվել է Դարբ գետում](https://auroranews.am/storage/img/base_image/old/69dcdb4f50323be3a48641853e524784.webp)
ՃՏՊ Երևան-Մեղրի ավտոճանապարհին․ ավտոմեքենան հայտնվել է Դարբ գետում
![ՃՏՊ Երևան-Մեղրի ավտոճանապարհին․ ավտոմեքենան հայտնվել է Դարբ գետում](https://auroranews.am/storage/img/base_image/old/69dcdb4f50323be3a48641853e524784.webp)
Մարտի 11-ին՝ ժամը 03:55-ին, «911» ծառայությանն ահազանգ է ստացվել, որ Մ-2 Երևան-Մեղրի ավտոճանապարհին՝ Ջերմուկ քաղաքի խաչմերուկի մոտակայքում, տեղի է ունեցել ՃՏՊ, ավտոմեքենան դուրս է եկել ճանապարհի երթևեկելի հատվածից և հայտնվել Դարբ գետում, տուժածներ չկան. անհրաժեշտ է փրկարարների օգնությունը:
Ինչպես տեղեկացնում է Արտակարգ իրավիճակների նախարարությունը, դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Մ-2 ավտոճանապարհի Երևան-Մեղրի հատվածի 151-րդ կմ-ին՝ «ԳԱԶ-31105» մակնիշի ավտոմեքենան (վարորդ՝ Կ. Պ., ծնված 1976 թ.) դուրս է եկել ճանապարհի երթևեկելի հատվածից և հայտնվել Դարբ գետում:
Փրկարարները հոսանքազրկել են ավտոմեքենան, փակել գազի բալոնի փականը, մասնատել ավտոմեքենային հենված ծառի ճյուղերը, սակայն ավտոմեքենան գետից դուրս բերելու համար անհրաժեշտ է հատուկ տեխնիկա: