Նարեկ Մալյանի եւ «Ռեստարտի» անդամների միջեւ տեղի ունեցած դեպքով քրեական գործ է հարուցվել
Երեկ գիշերը Ամիրյան փողոցում Նարեկ Մալյանի եւ «Ռեստարտի» անդամների միջեւ տեղի ունեցած դեպքով քրեական գործ է հարուցվել՝ ՀՀ ՔՕ 258 հոդվածի 3-րդ մասի 1-ին կետով (խուլիգանություն, որը կատարվել է մի խումբ անձանց կամ կազմակերպված խմբի կողմից):
Այս մասին հայտնում է Հայկական ժամանակըՙ հղում տալով ՀՀ ոստիկանության լրատվական բաժնին:
Նշենք, որ Միջադեպը տեղի էր ունեցել Երեւան քաղաքի Ամիրյան փողոցի 18 հասցեի մոտ: «Ռեստարտի» անդամները փորձել էին Նարեկ Մալյանին նետե լաղբարկղը, ինչը կանխվել էր տեղում ծառայություն իրականացնող ոստիկանների կողմից:
Միջադեպից հետո «Ռեստարտի» անդամները բերման են ենթարկվել. ոստիկանություն էր հրավիրվել նաեւ Նարեկ Մալյանը: Նրանք բոլորն այժմ ազատության մեջ են:
Իր դեմ հարձակման մասին երեկ երեկոյան հայտնել էր հենց Նարեկ Մալյանը, ֆեյսբուքյան իր էջում նշելով, որ իրեն եւս բերման են ենթարկել ոստիկանություն:
