![ՀՀ որոշ ավտոճանապարհներին բուք և մերկասառույց է. ԱԻՆ](https://auroranews.am/storage/img/base_image/old/5ec8a2b6d84a329672bf204e466724b0.webp)
ՀՀ որոշ ավտոճանապարհներին բուք և մերկասառույց է. ԱԻՆ
![ՀՀ որոշ ավտոճանապարհներին բուք և մերկասառույց է. ԱԻՆ](https://auroranews.am/storage/img/base_image/old/5ec8a2b6d84a329672bf204e466724b0.webp)
Արտակարգ իրավիճակների նախարարությունը տեղեկացնում է, որ մարտի 3-ին՝ ժամը 08:20-ի դրությամբ ՀՀ տարածքում կան փակ և դժվարանցանելի ավտոճանապարհներ:
Փակ են Վարդենյաց լեռնանցքը, Արթիկ-Ալագյազ և Բերդ-Ճամբարակ ավտոճանապարհները:
Դժվարանցանելի են Սոթք-Քարվաճառ և Քաջարան-Մեղրի ավտոճանապարհները:
Արագածոտնի մարզի Չքնաղ-Ձորագլուխ, Արայի-Վարդենուտ, Քուչակ-Ծաղկաշեն, Արագածի տարածաշրջանի, Շիրակի մարզի Աշոցքի տարածաշրջանի միջհամայնքային ավտոճանապարհներին տեղ-տեղ առկա է մերկասառույց:
Գորիս-Սիսիան ավտոճանապարհին և Շիրակի մարզի Աշոցքի տարածաշրջանում բուք է:
Արագածոտնի, Վայոց ձորի, Կոտայքի մարզերում, Սիսիան-«Զանգեր» կոչվող հատվածում, Գեղարքունիքի մարզի Գավառ, Մարտունի և Շիրակի մարզի Արթիկ քաղաքներում տեղում է ձյուն:
Վարորդներին խորհուրդ է տրվում երթևեկել բացառապես ձմեռային անվադողերով։
Լարսի մասին
Վրաստանի տարածաշրջանային զարգացման և ենթակառուցվածքների նախարարության ավտոճանապարհային դեպարտամենտից ստացված տեղեկության համաձայն Ստեփանծմինդա-Լարս ավտոճանապարհը փակ է բեռնատարների համար: