ԿԱՄԱԶ-ով տապալել է հաստաբուն ծառերն ու գլխիվայր շրջվելով հայտնվել Արփա գետում
Խոշոր ավտովթար է տեղի ունեցել Վայոց Ձորի մարզում: Այսօր ժամը 20:50-ի սահմաններում, Սյունիքի մարզի բնակիչ, 53-ամյա Հոմերոս Բադալյանը իր վարած ԿԱՄԱԶ-5511 մակնիշի 88 MA 878 համարանիշի ավտոմեքենայով, Երևան-Մեղրի ավտոճանապարհի 145 կմ հատվածում՝ Վայքի վարչական տարածքում, դեպի Երևան ընթանալիս, դուրս է եկել հանդիպակած երթևեկելի գոտի, բախվել հաստաբուն ծառերին, արմատախիլ արել ծառերը և գլխիվայր շրջվելով, հայտնվել Արփա գետում: Այս մասին հայտնում է shamshyan. com-ը:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդը մարմնական վնասվածքներ է ստացել: Նրան առաջինը օգնության են հասել քաղաքացիներն ու Վայքի հրշեջ-փրկարարները, տեղափոխվել է Վայքի բժշկական կենտրոն:
