«Կնքահայրը» «պեդիկյուր» է արել Երևանի կենդանաբանական այգու Բունկա փղիկին

Երևանի կենդանաբանական այգու վաղեմի բարեկամ Թոբիաս Դորնբուշը փղերի խնամքի իր փորձը կփոխանցի այգու աշխատակիցներին: Այս մասին տեղեկանում ենք Երևանի կենդանաբանական այգու ֆեյսբուքյան էջից։ «Այս մարդը մեր Բունկայի «կնքահայրն է» Հայաստանում, որը ոչ միայն Երևան գալուց հետո մի որոշ ժամանակ խնամում էր մեր փղիկին, այլև իր փորձը փոխանցում մեր աշխատակիցներին: Այսօր նա կրկին հանդիպեց Բունկային, տեսավ ու իմացավ նրա որպիսությունը և առաջիկա մեկ շաբաթվա ընթացքում կրկին թրեյնինգներ կանցկացնի Այգու աշխատակիցների համար։ Լուսանկարներում՝ Բունկան «педикюр»-ի ընթացքում»,- նշված է կենդանաբանական այգու ֆեյսբուքյան էջում: