Դատարանը հորը սպանած Քրիստինա Խաչատուրյանին տատիկի բնակարանի գրանցումից հանել է

Մոսկվայի Բուտիրյան դատարանը հոր սպանության մեջ մեղադրվող Քրիստինա Խաչատուրյանին տատիկի բնակարանի գրանցումից հանել է: Այս մասին հաղորդում է РИА Новости-ն` հղում կատարելով դատարանի մամուլի քարտուղար Տատյանա Իսաևին: Հիշեցնենք, որ Խաչատուրյան քույրերի տատիկը հունվարի 9-ին քաղաքացիական հայց էր ներկայացրել դատարանին` թոռնուհուն` Քրիստինային բնակարանից հանելու համար: Ինչպես մանրամասնել է աղջկա փաստաբան Ալեքսեյ Լիպցերը, բնակարանը տատիկի սեփականությունն է, և նա իրավունք ունի մարդկանց այդտեղից դուրս անել: Փաստաբանի խոսքով` ավելի վաղ նա գրանցումից հանել էր աղջիկների մորն ու նրանց ավագ եղբորը: