Ծեծկռտուք ավտովթարից հետո. Արտակարգ դեպք Գեղարքունիքում

Փետրվարի 15-ին, ավտովթար-վիճաբանություն-ծեծկռտուք է տեղի ունեցել Գեղարքունիքի մարզում: Ժամը 15:50-ի սահմաններում, Սևան-Մարտունի-Գետափ ավտոճանապարհի 46 կմ հատվածում՝ «Կուլալա-գոմեր» կոչվող հատվածում, բախվել են Նորատուս գյուղի բնակիչներ, 51-ամյա Գառնիկ Ավետիսյանի վարած «Opel Astra» մակնիշի 35 AO 220 համարանիշի և 33-ամյա Գևորգ Հովհաննիսյանի վարած ՎԱԶ-2115 մակնիշի 35 ZP 885 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, դեպքի վայրում վիճաբանություն է տեղի ունեցել, ինչի մասին ոստիկանության Գավառի բաժին ահազանգել է Վաղաշեն գյուղի բնակիչ, 52-ամյա Հերիքնազ Հովհաննիսյանը, ով հայտնել է, որ իրեն հարվածներ է հասցրել «Opel»-ի ուղևոր, Նորատուս գյուղի բնակիչ, 29-ամյա Հայկ Ավետիսյանը: Փաստի առթիվ ոստիկանության Գավառի բաժնի հետաքննչական բաժանմունքում նյութեր են նախապատրաստվում: