Արտակարգ դեպք Երևանում. Դաժան ծեծի են ենթարկել 33-ամյա տղամարդու
SHAMSHYAN. com-ի տեղեկություններով, քիչ առաջ արտակարգ դեպք է տեղի ունեցել Երևանում: Ծայրահեղ ծանր վիճակում՝ «գանգուղեղային վնասվածք» ախտորոշմամբ «Էրեբունի» հիվանդանոց է տեղափոխվել մի քաղաքացի:
Ոստիկանները պարզել են, որ հիվանդանոց տեղափոխվածը Երևան քաղաքի Էրեբունի վարչական շրջանի Աթոյան փողոցի բնակիչ, 33-ամյա Ալբերտ Մարկոսյանն է, ով գտնվում է վերակենդանացման բաժանմունքում:
Գ. Շամշյանի տեղեկություններով, Ա. Մարկոսյանը տանն է եղել, երբ մորը ասել է, թե «մի պահ դուրս գամ, կվերադառնամ» ու կարճ ժամանակ անց մայրը տղային հայտնաբերել է ծեծված, սակայն փորձել են տան պայմաններում բժշկական օգնություն ցուցաբերել և երբ զգացել են, որ վիրավորի վիճակը ծանրանում է, նրան շտապ տեղափոխել են հիվանդանոց: Փաստի առթիվ ոստիկանության Էրեբունու բաժնի հետաքննչական բաժանմունքում նյութեր են նախապատրաստվում:
